شعر وأدب واندية ادبيه
2014/10/13 | 0 | 1841
غيابك وجودك
( وجدي المبارك
)
قصيدة بعنوان (غيابك وجودك ) للدكتور عبدالله البطيان
ألاحـظ غـيـابك يجنـن خــفوفي
سـاعـة وجـودك متصل مو معايه
اتـعـب ويـثـقل راسي وكل حالي
ابـغـا وصـالك يا غـلاي وغنـايه
فـديـت قـلبك ما ابي غير شخصك
يـكــون لـي يا غـايةٍ لـي بغايه
غـايـة عـشق صافي لذيذ ارتواءه
وغـايـة طـمأنينة تـرف ابجـوايه
يـا زهـرة اقـلـيبي عليـك اتـدلع
لانـك مـلاكٍ لـلـدلـع في سـمايه
لـقـالوا العشـق الحسـاوي تغنـج
فـي حـضرة اوجودي وكلك ضوايه
لـقـالوااسمك في جَوى روح نورس
يفـداك نـورس يحـفظك بألـف آيه
احـوط ذكـر الله علـيك بسـلاسـه
واهـمس لحفـظك يا بـحابح غلايه
فـرقـاق صـعب ومبـتلي فيه بلوه
لكـن فـكاكي مـرتبط فـ الـنهايه
مـا فـادت الـرحـله أجيبك بشعري
سـاعـة طـلـب في حاجتك للهدايه
إن قـدر الله ذبـت فـي كف بوحي
ولّا تـبـوح بشــوق سيل العطايه
عـطـنـي حنينك حضن دافي تعنى
يـم الـمـعنى يا فضـافض رجـايه
إن غـبـت ذكرك حاضرٍ فـي كياني
دايـم وجـودك متـصل بي مـعايه
