شعر وأدب واندية ادبيه
2018/01/15 | 0 | 1545
عروجٌ إلى سماء الخلود..
فصيدة في رثاء المرحوم الحاج محمد علي العطيّة - أبو حسن رحمه الله.
غْـمضِتْ عـينك تِـشُوف ابْـعالم الأسرار
مـــصَـــارِع كـــربــلا وعــيــنـك تِــروّيــهـا
اعْـصَرِت دمْـعَةْ وجُـودك يـا أبُـو الطّيْبات
لــجِـلْ جَــمـرةْ مُـصَـاب الـعـتره تـطـفيها
شفِتْ مَا تكفي هَاي الدّنيا تبچي اردود
رِحـــتْ لــلأُخْـرَى لَـجْـل الـعـتره تـبْچيـها
إلــكْ ونّــه وتِـفِـتْ صُــمّ الـصّـخَر بـالنّوح
وسَــافــه الْــزيـنـب ولُــوعــةْ مـآسـيـهـا
تـصُـبْ دمْـعَةْ جَـمُر لـمّنْ حِـداها الـضّيم
بَــعـد خَـيْـهـا الّـــذي ابْـهـيـبتها يـحـديـها
تِـولاّهـا الـهـضُم بـعْـد الأهــل يــا حـيـف
وَلاَ ظَـــل وَاحِـــد الْــهـا ابْــزوده يـحـميها
يـبُـو الـدّمْـعه الْـتِسِيل ابْـمحجر الـعينين
عَــلَـى زيــنـب وسَــافـه وكــلّ اهـالـيها
صِـدِقْ زيـنب خَـذُوها الْمجْلِس ابْنِ ازياد
وبــعَـد عــيـن الگمُـــر أعــوانـه تِـسْـبيها
اشْـكـثُر يـابُو حـسَن إنـته ابْـحزِن ونّـيتْ
عـلى احـسين وجـمُرْتَك وسْـفه تخفيها
وبِــدتْ مـنّـك نِـيـاحه الْـذبْـحة الـمـظلوم
وإِلــكْ لُـوعَـه الْـمَـآسِي الـزّهـره تـبديها
اشـكـثر گلْـبـك تِـصـدّع عـالـزّچيّه ابْـنُوح
وكِــتْ كِـسْـروا ضـلِـعها وتـنْـحَب اعـليها
وتِـعـيش ابْـصَـدرك امْـصِـيبتها بـالزّفراتْ
لأَنْ بـــاب الأســـى ومـسْـمـاره مَـاذيـها
ومِـثـلْ دمْـع الـسّحَايب يـا رفـيف الـروح
دمــعْــتَـك بـالـمـآتـم حــســره تـجـريـهـا
تِــعــودنـا نِــشُــوفـك بـالـمَـجـالسْ دُوم
وتِـــظــلْ لَــحْـبَـابـك ابّــسْـمـه تـحـيّـيـها
وغـدت هـالضّحكه دُوم اتْـغازل امْـحَيّاك
يـمَـن إنـتـه الـمَـحبّه.. شـمـعه تِـضـوّيها
اشـكـثر يَـمْسَافر اشْـتاگت إلـك أحـبابْ
وإلَــــكْ يــابُــو حــسَــن حــنّـتْ لِـيْـالـيها
الـسّمَر يـحلى ابْـحَدِيثك يـا أبُـو الطّيْبين
اشـحلو الگمْـره ابْـسُوالف إنـته تحچيها
مِچانـك خَـالِي وسـفه ومـا إجـيت اليوم
لَــعِـد أحـبـابـك.. الْــيـا ديـــره نـاويـهـا !؟
إِلــــك كــثـرةْ گلُـــوب اتْـحـبّـك وتــهـواك
عـجَـب گِلّــي الْـتِحبّكْ شِـعْملِتْ بـيها !؟
يـمَنْ گلْـبك شـفيف وأنْـقَى مِـنّ الـماي
وخــجـل گلْـــب الــزّهُـور وكــلْ روابـيـها
ارحـلِتْ عـنّا ابـحزن والـدّنيا بـعدك ضـيم
ولِــعـد آل الـنّـبـي لَـــنّ اگصـــدت لِـيـهـا
هـذولـه احـبـابك اتـعـنّت إلــك بَـشْـواگ
لَــعِـد گبـــرك وســافـه ابــكـل بـواچيـها
إخـــذْ گلْـــب الْـيـودّك يـالـحبيب اوْســاد
وإلــــك هــــاي الأحــبّـه مـــدّت ايْـديـهـا
إجِـــتْ لِــيـك ابـحـزنـها وتـنـدبـك آهــات
وزهُــــور الـفَـاتِـحـه ابـدمـعـتْها تِـهْـديـها
الْـيحِبْ آل الـنّبي ابْـيُوم الـحِسَاب ايْفوز
ونــعــيـم الــجَـنّـه دَاره ويــهْـنَـا تـالـيـهـا
