البشر

( موقع المطيرفي - جواد محمد الخويتم )

جَـالسْت يَـا وْلَـيدِي تَـرانِي و عَانَستْ

جَـمْعَ الـبِشَر مِـنْ كـل خَـلْقَه و عَبِيدهْ

و هــذَا زمَـانِـي قِـدْ حَـدَانِي و بَـرّقْتْ

و عَـرَفـت أنَــا الـطّيِّب مِـنْ أيّـا بِـدِيدهْ

ثـمّ(ن) عَرَفت أَهْل القِشَر يوم جَوّلتْ

و فَـحَـصْت لـلـمُوتَر مَـكِـينه و حَـدِيدهْ

واحِد يِجِي و يَغْشَى المجَالِس تِنِصّتْ

و يَـنْـقِل لـحَـكي فْــلَان يَـبْغِي يِـكِيدهْ

يــا نـاقـلٍ حَـكْيَ الـبِشَر وَيْـش دَوّرتْ

تَـبـغِي تـشِـب الـنّـار تَـحْـرق جِـرِيـدهْ

و واحِد يِجِي وَسْط المجَالِس و يَهْرِتْ

كــل الـسُّـوَالِف مـا تْـحُوش الـمفِيدهْ

مَـسْكين فِـي رَاسـه ارْتِـجَاج و تَـلَوّتْ

أَفْـكـار عَـقْـلَه و يَـحْـسِب إنْـهَا فِـرِيدهْ

و أحْدٍ يجي كاشِخْ و يَجْلِس و يَسْكِتْ

و تـقُـول هــذا عَـالِـمٍ و "ابـن سِـيدهْ"

و لَـيْمِن حَـكَى فـشّل خَـوِيّه و شَـتّتْ

هـــــذا و مــثْـلِـه لا تْــعِــدّه فــقِـيـدهْ

و أحــدٍ يـجِي طَـاوُوس يَـا مَـا تـزَقْرَتْ

لا عَــــارفٍ نَــــارَ الــكَـرَم و الـوقِـيـدهْ

لـه مَـشْيَة الـدّرْوِيش و ثُـوبٍ لَـهْ يعِتْ

و مــكـبِّـرٍ ظَــهْـره خــيَـاش الــزّوِيـدهْ

و أحــدٍ يـجِـي و بْـجِـيِّته الـعَـين قَـرّتْ

و يَـعْـطِيك مِــن كـلّ الـعلُوم الـرّغِيدهْ

كِــنَّـه نَـهَـر فِــي ظِــل جَـالـه تَـرَبّـتْ

كـــل الـنّـبَـاتَات الـخَـنِـينه الـخَـضِيدهْ

و احْــذر تـخُونك فـطْنتك و ان تَـخَيّرتْ

عَــلـيـك بَــالـنِّـدَّر و أهْـــل الـحَـمِـيدهْ

جديد الموقع

اخبار ذات صلة