اختيار الصاحب

( موقع المطيرفي - جواد محمد الخويتم )

ذَا بَــغَــيـت تــصَــاحِـبْ إنْـــسَــان

لِـزّه لا بُـدّ يَـنْثِر مَـا حَـوَاه بْـشِلَيلهْ

لا تْـقُولْ هـذَا صَـاحْبِي بْـكِل حَـزّه

تَــرَى الـغَـضَبْ يِـثِّرْ و يَـاتِي دِلِـيلهْ

و الـوَاحِـد الـلِّـي كِْـل كَـلْمَه تْـهِزّه

لا هُــو خَـلِيلٍ لِـي وَ لانـي خَـلِيلهْ

و عَـلَـيك بَـاهْل الـطَّايْله و الـمَعَزّه

إلـلِّي إِلْيَا ضَاق الدّهَر يِنْشِكِي لهْ

و حَـاذُورْ تَـصْحَبْ مَـنْ يِـنَاظِرْ بـبَزّه

لا شَـايـلٍ عَـنْك الـخَفِيفْ و ثِـقَيلهْ

و احْذَرْ من اللِّي كَمْ "طُوِيلِهْ" تْرِزّه

هـذَا من اخْوَان الرَّخَا، لا تْعَنِي لهْ

و مَـنْ عَـزّ مِقْدَارك مَعَ النّاسْ عزّه

و احْــفَـظْ ودَاده و لا تْــدّوِّرْ بـدِيـلهْ

و ارْسِـمْ حدُودكْ مَعَ كلْ مَنْ تعزّه

و لا يِـنْفرِطْ نَـظْمَ الـعقُود الـجِمِيلهْ

جديد الموقع

اخبار ذات صلة